“Немам посебен талент. Јас сум само страсно љубопитен”, рекол славниот Алберт Ајнштајн и на тој начин открил една од неговите особини која укажува на генијалец, која подоцна била докажана со низа студии. Најголемите умови покажаа необично однесување како што се барање осаменост или малку сон, а оние навики за кои можеби мислиме дека се чудни се всушност поврзани со високиот коефициент на интелигенција.
Ненаситна љубопитност, тивко размислување и страсно читање книги ги красат животите и однесувањата на најголемите умови некогаш родени, кои оставиле голем аманет на човештвото. Одредени навики имаат големо влијание врз нашата интелигенција, па дури и можат да го променат начинот на кој размислуваме, според многу истражувања. Исто така, експертите откриле најмалку седум необични однесувања за кои веруваат дека се знаци на гениј.
Зборувате сами со себе
Тоа всушност може да биде знак дека сме попаметни од просечниот човек. Иако ова однесување е донекаде ирационално, сè поголем број докази сугерираат дека има големи когнитивни придобивки, вклучувајќи подобра меморија, самодоверба и фокус.
Вие сте ноќна птица
Доказите сугерираат дека луѓето кои остануваат будни до доцна имаат повисок коефициент на интелигенција. Имено, луѓето кои остануваат будни до доцна постигнале значително повисоки резултати на когнитивните тестови од оние кои стануваат рано. Познато е дека многу брилијантни умови биле ноќни бувови, вклучувајќи ги Чарлс Дарвин и Марсел Пруст.
Често мечтаите
Да се изгубиме во мечтаењето се сфаќа како одвраќање, но научниците велат дека тоа всушност е знак дека сме паметни и креативни. „Луѓето со ефикасен мозок може да имаат премногу мозочен капацитет за да го спречат нивниот ум да талка“,рекол еден експерт по психологија.
Функционирате во хаос
Некои луѓе не можат да поднесат неуредна соба или биро, но на високо интелигентните луѓе изгледа не им пречи.
Според направени многу истражувања докажано е дека луѓето кои што уживаат во нивниот неред, носат покреативни и поинтересни решенија на одредени проблематики.
Имате многу прашања
Ако постојано се прашувате како функционираат работите, од каде доаѓаат работите и десетици други прашања кои се појавуваат во вашата глава, веројатно сте многу интелигентни, велат научниците. Љубопитноста е еден од најчестите знаци на гениј. Тоа е знак дека умот секогаш се обидува да го разбере светот. Тоа исто така значи дека секогаш учиме и задржуваме нови информации. Колку повеќе прашања поставуваме, толку повеќе се зголемува разбирањето. За луѓето со висок коефициент на интелигенција, оваа ненаситна љубопитност доаѓа природно.
Размислувате во мир
Познато е дека многу генијалци се кријат за да работат или да размислуваат во мир и тишина. Тоа има смисла, бидејќи не е лесно да се фокусирате додека сте опкружени со постојаното џагор и стимулација на социјалната средина.
Покрај тоа, студиите покажаа дека интровертите имаат тенденција да се вклучат во подлабока когнитивна обработка од екстровертите. Интровертите сакаат и активности кои бараат концентрација и постојан ментален напор, како што се читањето и истражувањето, кои можат да го поттикнат интелектуалниот развој.
Читате многу книги
Страствените читатели постојано учат нови информации, а тоа е одлична вежба за умот. Покрај тоа, читањето помага да се зајакне менталниот фокус, имагинацијата и нашата способност да сочувствуваме со другите. Истражувањата покажуваат дека луѓето кои многу читаат постојано ја развиваат својата интелигенција, што значи дека имаат поголема веројатност да имаат висок коефициент на интелигенција.
