Четири степени јужно од екваторот, на 20 минути со авион од Mahé, се наоѓа приватниот остров Frégate. Фрегате е повеќе од луксузно одморалиште. Со својата неверојатна природа, седум плажи,покриен од ситен и мек бел песок, тој се претвора во посакувана дестинација за секој човек.
Природата на фрегата е уникатна. Можете да уживате во речиси недопрената зелена џунгла, тиркизното море и белите песочни лагуни. Ретките птици, огромните желки и неверојатната вегетација го прават ова место вистински рај!
Заштитата, конзервацијата и грижата за единствена флора и фауна на островот е главен приоритет за Frégate Island Private.
Островот располага со 16 вили и една главна Вила кои им нудат на гостите можност да го доживеат луксузот на просторот, приватноста на тропскиот остров и прекрасната природа. Вилите на островот можат да сместат само одреден број гости и тоа помага за целосен мир. Секоја од нив е изградена од африканско дрво, па на тој начин тие хармонично се спојуваат со околната природа.
.jpg)
The Rock Spa е вистински рај, кој се наоѓа на карпеста висорамнина и обезбедува панормски поглед кон морето. Спа центарот ги опфаќа традиционалните елементи – воздух, вода, оган и земја. The Rock Spa е уникатен – тој ги отфрла комерцијализацијата на брендирање на спа производите. Тоа му дава можост да понуди вистинско спа искуство кое е инспирирано целосно од природата.
Фрегата е обвиткана и во мистичност – се претпоставува дека тука има закопано бројно пиратско богатство. Не се знае дали постои, но сигурно се чувствува вкусот на пиратската тајна.
