Заборавете на WWF и на мексиканскато „lucha libre“, вистинската акција во ринговите е во Боливија. Овие жени облечени во традиционалната боливиска облека ќе ги засрамат мажите со своите импресивни боречки вештини во рингот.
Заборавете на WWF и на мексиканскато „lucha libre“, вистинската акција во ринговите е во Боливија. Овие жени облечени во традиционалната боливиска облека ќе ги засрамат мажите со своите импресивни боречки вештини во рингот.
Во неделите навечер овие жени познати како Cholitas го заработуваат својот џепарлак и заслужената слава на вистински ѕвезди во ринговите во Боливија. Нивните обожаватели со нетрпение чекаат да започне мечот во кој ќе навиваат за своите фаворитки.
Ana Polonia Choque е мајка на две деца и успешен сопственик на бижутерија, меѓутоа во рингот таа е непобедливата Carmen Rosa или „Шампионката“. Таа заедно со Yolanda Amorosa или попозната како „Саканата“ ја оформиле оваа женска боречка асоцијација која има тренинзи двапати неделно и боречки настапи секоја недела.
Нејзиниот маж најпрво бил скептичен гледајќи како навечер неговата сопруга се враќа дома целата во модрици, меѓутоа кога увидел со колкава љубов таа е посветена на своето хоби почнал да доаѓа на сите нејзини мечеви и да ја поддржува во нејзиниот многу напорен тренинг.
Во конзервативна земја како што е Боливија овие жени се пример како се рушат стереотипите, според Carmen Rosa, основачката на федерацијата, она што ги потикнало Cholitas жените да бидат членки на овој боречки клуб е дискриминацијата во минатото, па на овој начин тие сакаат да им покажат не само на луѓето во Боливија, туку и во целиот свет, дека жената може да ги прави истите работи како и мажот, а сепак да остане вистинска жена.
{youtube}YFXSsoyLpLg{/youtube}
