Руските воздушни напади од 10 октомври наваму уништиле 30 отсто од украинските електрани и клучна инфраструктура, a Украина е доведена во критична ситуација. Според украинскиот претседател Володимир Зеленски, ваквата тактика е „уште еден вид на тероризам“ и поради тоа „нема простор за преговори со режимот во Москва“.
Во видеото кое Зеленски го сподели на Твитер, пренесена е изјава на рускиот претседател Владимир Путин.
„По барање на руското Министерство за одбрана, лансиравме голем ракетен напад таргетирајќи ги енергетскиот, воениот и логистичкиот сектор на Украина“, вели Путин во исечокот, по што прилогот споделува податок дека на 10 октомври Русија лансирала уште еден масовен напад врз цивилни објекти ширум Украина – за само еден ден, се посочува, 84 проектили и 24 мунициски дронови убиле 19 Украинци.
Нападите, се потенцира, следуваа набрзо откако Кремљ понуди мировни преговори:
„Го повикуваме Киев да седне на мировни преговори со нас“, порачува Путин во следната прикажана изјава, по што следува одговор од Зеленски:
„Тој (Путин) го вели ова, а во меѓувреме лансира 100 проектили кои го погодуваат центарот на Киев. Москва бара мир, а истовремено го крши меѓународното право“, цитиран е Зеленски, по што следува потсетување дека ПССЕ го прогласи рускиот политички режим за „терористички“.
„Терористите можат да се неутрализираат само преку пораз. Тероризмот е криминал кој треба да се казни. Преговори со Русија се можни само по нејзиниот пораз“, порача Зеленски.
Another kind of Russian terrorist attacks: targeting 🇺🇦 energy & critical infrastructure. Since Oct 10, 30% of Ukraine’s power stations have been destroyed, causing massive blackouts across the country. No space left for negotiations with Putin’s regime. @United24media pic.twitter.com/LN4A2GYgCK
— Володимир Зеленський (@ZelenskyyUa) October 18, 2022
