Вчера беше соопштено дека Заха Хадид – најпознатата жена во архитектурата, добила срцев удар за време на лекување од бронхитис. Нејзиното извонредно резиме говори за тоа колку светла трага остави во светската архитектура. За 40 години творечка работа, таа се наметна како најуспешната дама во оваа инаку – според бројките – машка област.
Заха Хадид е родена во Багдад во 1960 година. Завршува архитектура во Велика Британија и во 1979 година основа свое студио. Нејзините идеи брзо го привлекуваат вниманието на професионалната фела и медиумите. На толку творештво, има уште многу од нејзините концепти што остануваат нереализирани.
Низ годините, Хадид реализираше десетици проекти низ целиот свет, кои колку и да беа различни, секогаш го носеа нејзиниот потпис. А изгледаа како да дошле од иднината. Со креативен замав и футуристички стил таа блескаше во областа на архитектурата, внатрешениот дизајн и дизајнот на производи.
Носител е на голем број награди и признанија, меѓу кои и Орденот на Британската империја и најпрестижното архитектонско признание во Велика Британија – наградата „Стерлинг“ на Кралскиот институт на британските архитекти. Хадид е единствената жена која доби Златен орден за животно дело на Кралскиот институт на британските архитекти и најпрестижната архитектонска награда во светот – „Прицкер“ (Pritzker Architecture Award).
Со нејзината смрт, архитектурата загуби еден од најсмелите творци.
Дел од нејзиното творештво:
Innovation Tower во Хонгконг, Кина, 2014 година
Pierresvives, Франција, 2012
Serpentine Sackler Gallery, Лондон, 2013 година
Опера Guangzhou во Кина, 2011
London Olympic Aquatics Centre, Велика Британија, 2012
MAXXI: Museum of XXI Century Arts, Рим, 2009 година
Музеј Messner Mountain, Италија, 2015 година
Nordpark Railway Stations, Австрија, 2007 година
Центар Heydar Aliyev во Баку, Азербејџан, 2012
Dongdaemun Design Plaza во Сеул, Јужна Кореја, 2014 година
1000 Museum, Мајами, САД
Во процес на градење: Централа на BBK Bank во Билбао, Шпанија
Во процес на градење: Дизајн на стадионот Al Wakrah во Катар
Проект за конкурс Astana EXPO – 2017 Future Energy во Казахстан
Проект за изложбен центар во Абу Даби
Проект на концертна сала во Бон, Германија
Проект на нов терминал на аеродромот во Пекинг
Проект за градење на BEKO во Белград, Србија
Проект за градење на Централна банка на Ирак
