Буч Вилмор и Суни Вилијамс вчера се обратија до јавноста велејќи дека било тешко да ја гледат нивната „Старлајнер“ капсула како се враќа на Земјата без нив минатата недела, но исто така истакнуваат дека не се чувствувале разочарани од Боинг.
Тие двајца требаше да бидат во вселената осум дена, но ќе останат таму до февруари 2025 година, откако НАСА одлучи дека проблемите на капсулата „Старлајнер“ биле преголем ризик за да дозволи астронаутите да се вратат со неа.
Двајцата тест пилоти на „Старлајнер“ – и пензионираните капетани на морнарицата и долгогодишните астронаути на НАСА – сега ќе останат во вселенската станица до крајот на февруари.
„Така оди во овој бизнис“, рече Вилијамс, додавајќи дека „мора да ја свртите страницата и да ја погледнете следната можност“.
Вилмор рече: „Многу работи се променија во последните три месеци, ние бевме вклучени од самиот почеток низ сите процеси на проценка на нашето вселенско летало. Имаше тешки моменти“.
Вилијамс рече дека преминот кон животот на станицата „не бил толку тежок“ бидејќи и двајцата претходно поминале одредени време таму.
„Ова е моето среќно место. Сакам да бидам овде горе во вселената“, рече таа.
Астронаутите исто така кажаа дека планираат да гласаат на изборите за претседател на САД во ноември.
Вилмор и Вилијамс сега се водат како постојани членови на екипажот на МВС, помагајќи во експериментите и рутинското одржување на станицата.
Тие, заедно со уште седуммина на екипажот, го пречекаа вселенското летало Сојуз со двајца Руси и еден Американец претходно оваа недела, со што популацијата во станицата се зголеми на 12.
Вилијамс наскоро ќе ја преземе и функцијата на командатка на станицата.
Двојката ќе мора да почека до следната година за капсулата SpaceX да ги врати на Земјата. Тоа вселенско летало треба да биде лансирано подоцна овој месец со намален екипаж од двајца, за да има две празни места за нив.
Извор: Скај Њуз
