По предлогот на Христијан Мицкоски дека Владимир Панчевски би можел да ја замени Катица Јанева, премиерот Зоран Заев рече дека да може опозицијата би го предложила и Никола Груевски на местото на специјалната јавна обвинителка.
„Значи сите ја знаеме историјата на Владимир Панчевски и неговата работа и злоупотребите со АКМИС системот. Јас мислам дека опозицијата да може, ќе го предложи и Никола Груевски за јавен обвинител”, кратко рече Заев.
Претседателот на ВМРО-ДПМНЕ, Христијан Мицкоски вчера го предложи поранешниот судија Владимир Панчевски како замена за Катица Јанева која поднесе оставка.
