Во духот на Новогодишните и Божиќните празници тимот на телекомуникацискиот оператор МТЕЛ, членка на Телеком Србија Групацијата, вчера го посети Заводот за рехабилитација на слух, говор и глас во Скопје и децата кои го посетуваат Заводот ги изненади со новогодишни подароци.
„Новогодишните и Божиќните празници се време за радости, убави моменти, време за да споделиме среќа и да подариме насмевки. И токму со таа мисија дел од тимот на МТЕЛ го посети Заводот. Задоволни сме што имавме можност да ги израдувавме децата и да им’ посакаме весели и безгрижни празници. Да направиме нешто повеќе сите заедно за повеќе детски насмевки, за радост и убави моменти за сите во Новата 2023 година“, велат од тимот на Мтел.
На децата од Заводот за рехабилитација вработените во Мтел им ги поделија новогодишните пакетчиња посакувајќи им многу исполнети желби, а на вработените во Заводот добро здравје и успешна работа во Новата година.
* Комерцијален текст
