Изговорите дека немате време за вежбање веќе не вредат. За изведувањето на овој сет од три брзи вежби ќе ви биде доволна само една минута (можеби на почетокот до две, но кога ќе се привикнате ќе можете се да завршите и за 60 секунди), а ќе ги активирате сите мускули во телото.
Вежбите изведете ги една по друга, без пауза измеѓу. Можете да ги направите и неколку пати на ден.
1. Застанете со нозете малку повеќе раширени од ширината на вашите рамена. Спуштете се во положба на чучњеви и ставете ги вашите дланки пред стапалата. Скокајте или одете наназад додека вашите нозе не се во потполност исправени. Потоа стегнете ги стомачните мускули и задржете ја оваа поза осум секунди. Откако ќе изминат, направете два склека (на прсти доколку можете, доколку не на колена), скокајќи или одејќи приближете ги нозете, и со рацете наместени наназад вратете се во положба за чучњеви и постепено исправете се. Повторете ја вежбата уште 4 пати.
2. Легнете на стомак со рацете испружени над главата и со исправени нозе. Издолжете го телото, вовлечете ја клучната коска за да го заштитите долниот дел на грбот и во исто време подигнете ги рацете и нозете. Задржете 10 секунди.
3. Легнете на грб со рацете зад главата и со дланките наместени на горниот дел од вратот, со подигнати нозе и колена свиени под лак од 90 степени. Главата и рамената треба да бидат. Ротирајте го вашето торзо така што левото рамо ќе го свртите кон десното колено, и истовремено испружете ја левата нога. Променете ја страната, и оваа постапка повторете ја десет пати за секоја страна.
