Кинеските власти ги одблокираа сите излези од Вухан, градот кој беше жариште на епидемијата од коонавирус и 76 дена беше отсечен од надворешниот свет.
Властите ги отворија патиштата кои водат од градот и им дозволија на граѓаните да го напуштат градот со автомобил.
Вухан од 23 јануари беше изолиран од надворешниот свет поради епидемијата од Ковид-19. Сообраќајот беше потполно запрен, вклучително и метрото, автобусите и траектите. Не беше дозволен влез со автобус, ниту по воден сообраќај, а не работеше ниту аеродромот, ниту железницата, а на жителите на градот им беше забрането да го напуштат без посебно одобрување.
Од 28 март во Вухан повторно проработи железничкиот сообраќај за влез во градот, а сега веќе ќе биде отворен и за излез, додека делумно ќе се обнови и воздушниот сообраќај.
