Српскиот претседател Александар Вучиќ најави дека на 10 ноември годинава Србија ќе ја одржи најголемата воена вежба во регионов. Најавено е учество на 8.000 војници ширум Србија.
„Тоа ќе биде прилика граѓаните да видат што сé направивме и како ја засиливме нашата војска“, изјавил Вучиќ, пренесуваат белградските медиуми.
Тој додал и дека Србија ќе направи сé за никогаш да не дојде до било какви судири, но истакнал дека таа мора да биде подготвена да се заштити.
„Добивме десет MiG-29 авиони. Луѓето мораат да знаат дека за заштитата на нашата земја набавуваме нови хеликоптери и друга опрема, а кога имате пари тогаш тоа го можете“, истакнал Вучиќ.
Најавената вежба, уверен е српскиот претседател, ќе биде убедливо најголемата воена вежба во регионов.
