Меѓу функционерите во државата регистриран е и втор случај на заразен со коронавирус.
Пратеничка од Прилеп e позитивна.
Станува збор за пратеничката од СДСМ, Кети Смилеска.
Пратеничката викендов била задржана во болницата во Прилеп, кога ѝ се влошила здравствената состојба, но сега е добро.
Ги замолува граѓаните да ги почитуваат препораките за заштита.
Претходно, инфициран беше и градоначалникот на Општина Чешиново Облешево, Горанчо Крстев, кој е во добра здравствена состојба. Тој се тестирал откако почина берберот од Кочани, со кого тој бил во контакт.
Во земјава има над 900 потврдени случаи на Ковид 19.
