Времето во земјава денеска ќе биде променливо облачно. По одделни котлини ќе има појава на магла и ниска облачност, а во јужните подрачја повремен локален дожд, кој во текот на ноќта ќе се прошири и во западните делови.
Утринската температура ќе се движи од еден до 12 степени, а дневната температура од девет до 14 Целзиусови степени.
Во Скопје ќе биде променливо облачно. Утринската температура ќе достигне до седум степени, а дневната температура до 13 степени. Во Маврово 9, Охрид 13, Битола 12, Крива Паланка 13, Берово 11, Кавадарци 15, Дојран 14 степени.
Утре под влијание на циклонска активност времето ќе биде претежно облачно со врнежи од дожд, кои ќе бидат пообилни во јужните делови (локално над 25 л/м2). Потоа во наредните два дена ќе биде стабилно со благ пораст на дневната тампература.
