Отворање на привремениот граничен премин Стрезимир
Привремениот граничен премин Стрезимир – Рестилица, кој се наоѓа на македонско-косовската граница, ќе биде отворен за минување на граѓаните од двете земји во петок, на 25-ти јули.
Граничниот премин помеѓу Република Косово и Република Северна Македонија е познат како „Стрезимир“. Според информации од косовската полиција, овој премин спаѓа во категорија Ц.
Отворен е за различни активности, вклучувајќи културни, научни, спортски и туристички настани.
Преминот ќе функционира од 25 јули до 25 септември 2025 година, од 08:00 до 20:00 часот.
Лоциран во Луково Поле, овој премин е на тромеѓето на Македонија, Албанија и Косово, поточно на заедничката гранична линија помеѓу Македонија и Косово.
Како привремен, овој премин започна со работа во август 2003 година, со времена работа од март до октомври, од 7 до 19 часот. Сепак, поради лошата патна инфраструктура, фреквенцијата беше многу мала, што доведе до негово затворање.
По залагање на градоначалникот на општина Маврово и Ростуше, Медат Куртовски, преминот беше повторно отворен за патници и возила во летниот период од 2018 година.
За преминување, важат истите правила како и на другите гранични премини – потребен е документ за идентификација, било да е тоа пасош или лична карта.
Од косовска страна, изграден е нов асфалтен пат, додека од македонска страна е најавена изградба.
