На CEATEC саемот за електроника што се одржа минатата недела во Јапонија, Панасоник се пофали со неколку свои нови прототипови. Не само што се импресивни, туку наговестуваат и каква ќе биде иднината на домашното живеење.
На пример, невидливиот екран. Изгледа како обична стаклена врата на плакарот, но по желба го затворате и почнува да прикажува слики. Или на пример, масата за готвење. Изгледа како обична трпезариска маса, ама кога ќе ја поклопите со специјалниот капак, поклопената површина се претвора во рингла и ја готви храната. Или на пример, кабинетот за вино со навидум обична врата од црно стакло. При допир, таа се претвора во стаклен дисплеј кој прикажува информации за температурата влажноста, како и за секое од вината, а предлага и соодветни рецепти.
