„Народот крена глас против Филипче и Заев и нивните фашизоидни и дискриминаторски мерки“, оценуваат од ВМРО-ДПМНЕ по вчерашните протести околу новите мерки против ширење на коронавирусот, кои вклучуваат рестрикции за граѓаните кои не се вакцинирани.
„Народот излезе на улица, ама Филипче и Заев ништо не ги интересира. Ниту следат искуства од светот, ниту размислуваат како да пролагодат на приликите. Народот пак воопшто не го слушаат!“, велат од ВМРО-ДПМНЕ.
Од најголемата опозициска партија обвинуваат дека власта задоцнила со подготовка на здравствениот систем, кој, според нив, сѐ уште не е подготвен ни за 4-тиот бран.
„Бројките на заболени вртоглаво растат, а има веќе и по 10-тина починати на ден. Од Филипче и Заев одговори не се чекаат! Само да заминат од функциите и да се спаси народот!“, се вели во соопштението.
