„Универзитетот на Рамиз Мерко, кој е на американската црна листа, доби бакшиш од министерот на Рамиз, Јетон Шаќири, Акредитација за Медицински факултет!“, реагираат денеска од коалицијата ВРЕДИ/VLEN.
„Овој Универзитет, познат како ‘Универзитет на Мерко’, кој го води Арменд Кадриовски, е познат по ‘производството’ на итни дипломи, како Универзитет каде што низ годините, преку ноќ, дипломирале повеќе од половина од функционерите на ДУИ, како и многу членови на семејствата на функционери кои потоа се вработиле на различни работни места.
Ова е ДУИ, овие се функсионери кои се на Црната листа на САД, на кои криминалот им нема граници. За овој скандал министерот Јетон Шаќири мора да даде отчет пред јавноста и да ги покаже сите причини зошто го акредитирал Универзитетот на Мерко да има и Медицински факултет, да посведочи дали овој Универзитет има соодветни кабинети за изучување на предметите од медицината, но и рамка на академски барања“, се наведува во реакцијата.
Од ВЛЕН додаваат дека „ваквите дејствија на ДУИ на Али Ахмети и Рамиз Мерко, го докажуваат фактот дека зелените кои станаа Фронт, се главната причина зошто албанскиот мозок ја напушта земјата и работи во Европа и на други места, зошто кај нас вистинските интелектуалци и професионалци ја напуштат државата, а Албанците се претставени со незнаење кое ги осиромашува и ги протерува од татковината“.
„Но, на бизнисот на ДУИ и Рамиз – кој функционираше во стилот земи ја ‘картичката’ на ДУИ, купи диплома од Рамиз и работата ти е сигурна – му доаѓа крајот затоа што новата Влада ќе ги истражува сите случаи на продажба на дипломите и функционирањето на Универзитетите како што е Универзитетот ‘Мерко’“, порачуваат од ВЛЕН.
