Mаја ќе подготви еден од нејзините најпопуларни рецепти, Свадбарски пирошки.
За да не ја чекате следната свадба за пирошките како предјадење, одлучивме да ви помогнеме и да ви покажеме како сами да ги подготвите дома.
Подготовка
Чекор 1: За подготовка на палачинките, најпрво изматете ги јајцата, па додајте го млекото, брашното и солта. Измешајте додека добиете рамномерна смеса, па испечете палачинки. Ние од оваа смеса направивме 10 палачинки.
Чекор 2: Подгответе го филот така што ќе ги исечкате ситно сите состојки, а потоа измешајте ги во една смеса. Изматете ги јајцата за похување.
Чекор 3: Секоја палачинка наполнете ја со филот и замотајте ја како пирошка. Потоа извалкајте ја во јајце, па во презла и пржете ја од двете страни додека убаво не зарумени.
Чекор 4: Сервирајте ги со декорација од свеж зеленчук.
СОВЕТ: За да го постигнете вистинскиот вкус на овие пирошки, ви препорачуваме да ги следите упатствата за подготовка на филот и похувањето, додека палачинките може да ги подготвите според вашиот омилен рецепт.
