Додека проектот „Безбеден град“ влегува во тест-фаза, возачите низ целата земја веќе откриваат дигитални алатки за подобро прилагодување на новите правила и системот за мерење на брзината. Апликацијата Waze станува истакнат сообраќаен асистент, бидејќи нуди преглед на сите локации на камери за брзина.
„Waze“ е навигациска апликација која во реално време обезбедува важни информации за патот, а од вчера речиси целата мрежа на камери за проектот „Безбеден град“ е мапирана од корисниците. Апликацијата понудува:
– Прецизна мапа на камери за брзина, вклучувајќи фиксни, мобилни и новопоставени.
– Гласовно предупредување при приближување до камера.
– Информации за полиција, радари, градежни активности и метеж, внесени од самите возачи.
– Автоматско пресметување на безбедна рута, со истакнување на сите критични точки.
– Можност за корисниците да пријавуваат локации на нови камери, со што мрежата континуирано се ажурира.
Возачите ја користат апликацијата за да:
– го следат ограничувањето на брзината на секој дел од патот,
– избегнат ненамерани прекршоци,
– добијат предупредување неколку стотини метри пред камерата,
– ја планираат рутата без страв од неочекувани казни.
Апликацијата функционира врз основа на заедница – колку повеќе возачи ја користат, толку побрзо и поточно се ажурираат информациите, вклучувајќи ги и новите камери. Во првите 48 часа од стартот на тест фазата, бројот на извештаи за камери на Waze драстично порасна. За многумина, оваа апликација стана единствена гаранција за избегнување на прекршок од незнаење.
