Вардар подготвен за нов предизвик
Фудбалскиот клуб Вардар се смета за главен фаворит за освојување на местото во следната рунда на третото натпреварување на УЕФА. Тренерот Гоце Седлоски даде свој осврт на предстоечкиот дуел, во кој домаќинот ќе се бори за победа.
„Имавме интензивни подготовки во изминатиот месец, како дома, така и во Словенија, каде се подготвивме на најдобар можен начин. Иако ни недостасуваа некои од странските играчи, целата екипа е во најдобра форма. Вардар долго време не играл во Европа. Знаеме каков ривал не очекува, но ние се фокусираме на себе. Имаме респект кон противникот, но моето внимание е насочено само на моите играчи. Се надевам на квалитетен натпревар и очекувам победа. Во современиот фудбал, нема фаворити, така што ќе бидеме внимателни. Најважно ми е тимот да покаже она што го барам, без опуштање“, изјави Седлоски.
Натпреварот меѓу Вардар и Ла Фиорита ќе се одржи во четврток, со почеток во 20:30 часот на Арената „Тодор Проески“. Главен судија на средбата е Антоан Кјарамонти, а ќе му помагаат Хуан Гују Сера и Карлос Гончалвес. Како четврти судија, тука е Андреу Симаро.
