Дали сакате да го испрограмирате мозокот и телото и да останете активни во текот на денот? Обрнете внимание на три работи кои успешните луѓе ги применуваат и кои ги водат до остварување на нивните желби.
Една од најголемите стапици на современото општество е да почнете да дејствувате по автоматизам, да одите полусвесни и да го правите она што другите го прават.
Повеќето луѓе се преокупирани со реакциите на околината и на она што се случува околу нив. Многумина забораваат дека е неопходно да се фокусираат на своите цели.
Ако сте потполно свесни и концентрирани, ќе донесувате правилни одлуки во текот на денот и ќе се стремите кон своите цели. Најдете цел во животот, бидете доследен на себе и не дозволувајте другите да ви кажуваат што и како треба да работите. Ако сакате да ги постигнете своите цели, почнете да ги применувате следниве работи:
1. Запишете ги целите
Веднаш штом ќе станете, треба да го осмислите својот ден. Запишете ги своите цели за тој ден и заокружете ги најважните, оние кои имаат најголемо влијание на вашиот живот.
Потоа запрашајте се: „Што треба денеска да направам за сè да се промени и да се доближам до мојата цел?“
Запишете ги своите активности кои треба да ги превземете, заокружете ги двете најважни и почнете да работите на нив. Не се откажувајте додека не ги завршите.
Наместо да скитате по станот додека се будите 30 минути, натерајте го својот мозок да биде продуктивен.
Кога ќе ги прочитате целите кои сте ги запишале, ќе се чуствувате добро, затоа што тоа ќе дејтвува како да сте чекор поблиску до нивна реализација. Секое утро препрочитајте ги, и со тек на време ќе ги остварите своите цели.
2. Создадете силен систем на верување
Ако прашате некоја успешна личност кое е нејзиниот број еден правило, голема е веројатноста дека тоа ќе биде да верува во себе и во тоа што го работи и да не се плашат да го кажат тоа. Ако самите не верувате во себе, зошто би верувал некој друг? Кога луѓето ќе ве прашаат за вашите цели, не се плашите да ги кажете. Ако имате високи цели, можеби некои ќе се смеат и можеби ќе им делувате смешно, но тоа не треба да ве обесхрабри. Бидете одлучни и верувајте во себе. Луѓето ќе ве почитуваат затоа што имате храброст да посегнете по она што го сакате.
3. Инвестирајте во себе
Најбогатите луѓе на светот ја знаат важноста на инвестирањето во себе. Ангажирање на личен тренер, купувањето на здрава храна, книги и плаќањето на едукацијата не се трошоци, туку инвестиција: инвестиција во себе.
– Почнете да читате книги. Сите купуваат книги, но само неколкумина ги читаат од корица до корица.
– Престанете да читате книги. Малкумина ги читаат книгите кои ги купуваат, а уште помалку го памти она што го прочитал. Прекинете да ги читате книгите сувопарно и започнете да ги проучувате.
– Учете барем еден час дневно. „Ако учите барем еден час дневно, за три години ќе бидете на врвот во полето што го работите. За пет години ќе бидете познат, а за седум ќе бидете еден од најдобрите луѓе во светот кои се занимаваат со таа работа.“- Брајан Трејси (мотивационен говорник)
– Научете нешто ново. Секој ден научете нешто ново, нов збор, нова вештина, било што. За 365 дена ќе знаете 365 работи повеќе. Замислете само каде можете да бидете за една година ако денес почнете.
– Направете нешто за себе. Да, добрата работа е главен фактор кој е потребен за успех, но барем еднаш месечно направете нешто забавно, нешто спонтано, нешто што до сега не сте го направиле и што ќе направи да се чустувате живи. Забавувајте се и уживајте.
