Прво iPhone, а сега и MacBook Air. На Apple им тргна од рака со производите кои сите ги сакаат и кои уште пред да излезат се голем хит. MacBook Air – најтенкиот лаптоп на светот. Неговата дебелина изнесува 0,4 сантиметри на најтенката и 1,93 сантиметри на најдебелата точка.
Прво iPhone, а сега и MacBook Air. На Apple им тргна од рака со
производите кои сите ги сакаат и кои уште пред да излезат се голем хит.
MacBook Air – најтенкиот лаптоп на светот. Неговата дебелина изнесува
0,4 сантиметри на најтенката и 1,93 сантиметри на најдебелата точка.
Air има дијагонала од 13,3 инчи, изработен е целосно од алуминиум и тежи 1,36 килограми. Екранот има LED позадинско осветлување, кое дава прекрасна слика во секое време без да ја троши батеријата, која верувале или не трае до 5 часа. Една од работите која ја нагласуваат од Apple е тоа дека и покрај неговите мали димензии успеале да го опремат со нормална тастатура, која исто така има и позадинско осветлување. Air има зголемен trackpad кој има multi-touch можности слични како кај iPhone.
Сепак една од работите кои не успеале да ги сместат во него е оптички драјв, но од Apple велат дека истиот веќе не е потребен (ако се лажеме) поради огромните безжични способности на Air. Тој може да се поврзе со друг компјутер и да го позајми неговиот оптички драјв. Реалноста е дека едноставно во олку тенко чудо нема место за оптички драјв, но не е се така црно, бидејќи од Apple изработиле и придружник за Air во форма на оптички драјв наречен MacBook Air SuperDrive. Истиот има одличен изглед, способности за снимање и читање на сите видови CD и DVD медиуми, и се напојува преку USB.
Од технички аспект, Air доаѓа со Intel Core 2 Duo процесор од 1,6 GHz (1,8 GHz со доплата), 2 GB DDR2 и 80 GB HDD (64 GB SSD со доплата). Основната верзија ќе чини 1799 долари во САД, а најскапата 3098 долари. Не знаеме колку ќе чини кај нас, но едно е сигурно – ретко кој би му одолеал на овој убавец. Подолу можете да ги погледнете две видеа за MacBook Air, а еве и линк до официјалната страна.
MacBook Air реклама
{youtube}GBCfW9-hjKI{/youtube}
MacBook Air – A Guided Tour
{youtube}W7askBmF4_c{/youtube}
