Американскиот претседател Доналд Трамп порача дека европските држави мора да преземат неколку стотина борци на Исламска Држава заробени во Сирија.
Во декември Трамп објави дека САД повлекува близу 2.000 американски војници од Сирија кои им помагале на локалните воени сили во борбата против Исламска Држава.
„САД бара од Велика Британија, Франција, Германија и другите европски држави да преземат повеќе од 800 џихадисти заробени во Сирија, и да им судат. Калифатот е на чекор да биде поразен. Алтернативата не е добра, бидејќи ќе бидеме принудени да ги ослободиме“, порача Трамп на Твитер.
The United States is asking Britain, France, Germany and other European allies to take back over 800 ISIS fighters that we captured in Syria and put them on trial. The Caliphate is ready to fall. The alternative is not a good one in that we will be forced to release them……..
— Donald J. Trump (@realDonaldTrump) February 17, 2019
„САД не сакаат да гледаат како овие борци на ИСИС ја преплавуваат Европа, каде што и се очекува да одат. Ние правиме толку многу и трошиме толку многу – време е и другите да истапат и да ја сработат работата што се неспорно способни да ја сработат. Се повлекуваме по целосната победа над Калифатот!“, додаде Трамп.
….The U.S. does not want to watch as these ISIS fighters permeate Europe, which is where they are expected to go. We do so much, and spend so much – Time for others to step up and do the job that they are so capable of doing. We are pulling back after 100% Caliphate victory!
— Donald J. Trump (@realDonaldTrump) February 17, 2019
Аналитичарите стравуваат дека постои ризик дека опозиционите сили нема да можат да ги контролираат „странските терористички борци“ откако Белата куќа објави повлекување на американските сили.
Затоа во изминатите две седмици администрацијата на Трамп врши притисок врз сојузниците да ги преземат своите државјани кои се заробени и се бореле на страната на џихадистите. Неколку земји, меѓу кои и Франција, ја одбраа опцијата џихадистите да останат во затвор кај Сириските демократски сили.
