Дознајте каде светските модни креатори ја наоѓаат инспирацијата, кои се музите кои го насочуваат нивниот талент и како изгледа плодот од една таква соработка.
Isabella Blow, која почина во 2007 година, имаше навистина исполнет живот. Цимерка на Catherine Oxenberg, асистентка на легендарната Anna Wintour, другарка на Andy Warhol и една од највлијателните стилисти на светот.
За нејзината втора венчавка го ангажираше дизајнерот на шапки Philip Treacy.
Isabella го препозна неговиот талент, го лансираше на модната сцена и постојано ги носеше неговите ексцентрични шапки.
Amanda Harlech има 43 години, гламурозна е, интелегентна и духовита, па затоа нема дизајнер кој не би сакал да соработува со неа. Но, иако порано му беше муза на John Galliano, таа веќе десет години и приватно и професионално го инспирира нејзиниот најдобар пријател, големиот Karl Lagerfeld.
Новата Kate Moss, Agyness Deyn и дизајнерот Henry Holland се знаат уште од деца, па не е изненадување фактот што одлично се разбираат, почитуваат и што ќе почнат да соработуваат и на заедничка колекција накит.
Брендот на Henry, House of Holland, стана популарен со интересните маички кои секако ги носеше Agyness.
Прекрасната актерка Natalie Portman му е најдобра пријателка и муза на дизајнерот Zac Posen со кого често се појавуваат на филмските премиери и забави.
Зарем девојката која стана позната само затоа што облече Versace фустан, Elizabeth Hurley може да не биде совршена муза? Таа го инспирира нејзиниот близок пријател и дизајнер на чевли Patrick Cox.
Една необична, но успешна дизајнер-муза спојка се случи меѓу креаторот Marc Jacobs и режисерката Sofia Coppola. Фотографот Mario Testino ги сликаше најдобрите пријатели за Vogue во 2004 година.
Ако сакате проверка на знаењето на оваа тема еве квиз кој ќе го задоволи вашиот апетит за тривијални информации од модните соработки.
