Светот преку софтверот за визуелно пребарување Google Goggles

Експерименталниот оддел на Google наречен Google Labs во изминатава година ни прикажа неколку навистина неверојатни софверски апликации. За потсетување, Google Sky Map се концентрира на астрономијата додека Google Earth сателитски ја прикажува планетата Земја. Со Google Goggles, „лабораторијата“ на Google се враќа кон своите корени и го насочува компанискиот фокус кон корените на Google – софтверот за пребарување.

Експерименталниот оддел на Google наречен Google Labs во изминатава година ни прикажа неколку навистина неверојатни софверски апликации. За потсетување, Google Sky Map се концентрира на астрономијата додека Google Earth сателитски ја прикажува планетата Земја. Со Google Goggles, „лабораторијата“ на Google се враќа кон своите корени и го насочува компанискиот фокус кон корените на Google – софтверот за пребарување.

Со популаризацијата на мобилните телефони, денешните најиновативни апликации се достапни само за нивните оперативни системи. На прв поглед, функционалноста на Google Goggles изгледа навистина едноставно. Сликате нешто со камерата од вашиот мобилен телефон и оставате Google Goggles да ја скенира таа фотографија и да најде информација за тој предмет.

На пример, фотографијата од некоја книга ќе даде информации за авторот, издавачот, година на издавање, веб-страници за книгата итн. На кратко, исто како да сте го испишале името на книгата во Google.

Но, горенаведеното не е тоа што го прави овој софтвер импресивен. Goggles не е само за продуктите и нивното присуство на мрежата, туку и за проверување географски обележја, уметнички дела, како и продавници или кафулиња.

Ако се најдете пред некоја интересна градба во странство и сакате да знаете нешто повеќе за неа, сè што треба да направите е да ја сликате и сите интернет информации во врска со неа ќе ви се појават на вашиот телефон. Истото ваши и за уметничките дела ако сакате да го дознаете името, авторот, годината итн.

Можностите изгледаат бескрајни, но и Google си има свои граници. Апликацијата сè уште се надополнува, што значи нема да добиете информации ако сликате мебел, дрвја или домашни миленичиња.

Google Goggles е достапен за Android оперативниот систем на Google, верзија 1.6 и нагоре, како и за Apple iPhone OS 4.0. Сè што останува сега е да ја пробате оваа апликација и да оставите коментар подолу со вашите искуства.

{youtube}Hhgfz0zPmH4{/youtube}
[Google Goggles]