Интернационалниот фестивал на комедија, Summer Comedy Marathon 2024, оваа година ќе се одржи по шести пат од 21.07. – 13.08. во Охрид.
Фестивалот ќе се содржи од 19 шоуа распределени на четири локации и тоа: познатиот и култен клуб за џез и стендап комедија – JAZZ INN, во клубот кој е симбол на забавата во Охрид – Cuba Libre, на сцената на НУЦК “Григор Прличев“ – Охрид и на сцената на Долни Сарај.
На фестивалот ќе земат учество 18 артисти од земјава и од странство. Програмата е исполнета со шоуа од разлчен формат и стил. Почнуваме со култното шоу ИМПРОВОКАЦИЈА – театарска импровизација која се случува на лице место, секогаш премиерно затоа што публиката е директен учесник со предлози во самото шоу. На програмата исто така има и шоуа од типот: BEST OF STAND UP, COMEDY JAM, ЦРН ХУМОР, неверојатниот тандем АТАНАС И ТИНО, неколку соло шоуа, неколку шоуа на англиски јазик и како цреша на врвот на шлагот јубилејното шоу 10 ГОДИНИ 2 MOTHERS BROTHERS – COMEDY CABARET на Никола Тодороски и Стрезо Стаматовски. Ова финално шоу ќе се прикажува на сцената на Долни Сарај и ќе биде завршница на SUMMER COMEDY MARATHON 2024.
Од интернационалните артисти оваа година ни гостува Џимис Цапас од Грција и Никола Силиќ, Ненад Стефановски и Небојша Груиќ од Србија.
Целата програма како и билети за сите шоуа можат да се најдат на нашата веб страница https://hahaha.mk/
