23
Една нова студија покажува дека изложувањето на вештачка светлина по полноќ може да го зголеми ризикот од развој на дијабетес тип 2. Токму тоа покажува дека сјајот на сијалицата или телефонот ноќе може да го наруши деноноќниот ритам на телото.
Студијата опфати речиси 85.000 луѓе, на возраст од 40 до 69 години, кои носеа уреди на зглобовите деноноќно една недела за да ја следат нивната изложеност на различни нивоа на светлина. Како дел од експериментот UK Biobank, здравјето на групата беше следено девет години.
Оние доброволци кои подоцна развиле дијабетес тип 2 имале поголема веројатност да бидат изложени на светлина помеѓу 12:30 и 6:00 часот во текот на испитувањето.
Со други зборови, луѓето кои биле изложени на силна вештачка светлина во текот на ноќта имале значително поголема веројатност да развијат дијабетес од оние кои ја поминале ноќта во мрак.
