„Димитар Ковачевски ден поскоро да го достави на гласање во Парламентот прашањето за уставни измени, да се види дека нема мнозинство и да се распишат избори. Истовремено до Собранието да ја поднесе и потпишаната оставка“, порачаа од ВМРО-ДПМНЕ.
„Со таков чекор Ковачевски ќе си ја реализира оставката, партиските комисионери нема повеќе да земаат скапи хонорари, а државата ќе спаси пари од буџетот од натамошни крадење од власта“, истакна портпаролот на партијата – Наум Стоилковски.
„Наводните експерти коишто работат на измени без мандат од Собранието се исполнувачи на партиски желби и идеи кои водат дури и до редефинирање на унитарниот карактер на Македонија“, повторија од партијата, потенцирајќи, уште еднаш, дека уставни измени нема да има.
„Ставот на ВМРО-ДПМНЕ е јасен, нема уставни измени под бугарски диктат. Тоа е и став на 90 проценти од народот, тоа е став и на дел пратеници од СДС.
Македонските евроинтеграции нема да се претворат во асимилација и бришење на македонскиот идентитет, култура и историја“, порача Стоилковски.
