Британскиот премиер Кир Стармер и францускиот претседател Емануел Макрон синоќа најавија дека ќе се заложат за постигнување „праведен и траен мир“ во Украина, при што американскиот претседател Доналд Трамп се подготвува за разговори со рускиот лидер Владимир Путин во насока на прекинување на конфликтот.
„Двајцата лидери дискутираа за најновите настани во Украина и ја потврдија својата непоколеблива поддршка за претседателот Зеленски и неговите напори за обезбедување праведен и траен мир за украинскиот народ“, изјави портпарол на Даунинг стрит по завршувањето на разговрата меѓу Стармер и Макрон.
Тој истакна дека Стармер и Макрон ги поздравуваат иницијативите на претседателот Трамп во борбата против насилството во Украина и во обидите да се стави крај на агресивната војна на Русија.
