Со силни пораки дека „нема слобода без слободни жени“, годинешниот Ден на жената беше одбележан со голема емоција. Жените изразија уверување дека „не ќе не снема“, а во говорите се дискутираше за различните предизвици со кои се соочува понежниот пол низ годините. Особено внимание беше посветено на насилството врз жените, кое во последно време доживеа зголемување, особено по трагичните настани во Карпош.
Со транспаренти испратија пораки како „Спот за насилството, љубовта не убива, љубовта сака“. Реагираа на жените кои се обратија за помош во институциите, поставувајќи прашање: „Пријавија и што од тоа?“. Со друг транспарент истакнаа: „Трпи си, пријави си, умри си“.
Тие упатија и порака до работодавачите, нагласувајќи „Жените работнички не се ваши машини – ние сме вашата револуција“. Иронично, запрашаа „Здраво, колку букети ви е животот“, алудирајќи на фактот дека овој ден често се сведува на подарување цвеќе, без да се обрне внимание на неговата вистинска суштина.
На крајот, побараа унапредување на правата на жените, подобра заштита од институциите и праведно општество за сите.
