Скандалозно видео од Собранието, на кое претседателот на собраниската Комисија за европски прашања и поранешен министер за образование – Арбер Адеми од ДУИ, крши и буквално удира и фрла со предмети по пратениците од опозицијата, објави пратеникот на ВМРО-ДПМНЕ – Миле Лефков, на социјалните мрежи.
„Вака се однесува претседателот на КЕП! Понижување, насилство и навреди во Собрание! Македонија наместо Европа стана див запад со ‘каубоите’ од власта!🤬 “, напиша Лефков на Фејсбук.
Како што дообјасни во следната објава, според него, тензијата настанала затоа што Адеми не дозволил за збор да се јават пратеници од опозицијата и сакал на сила да го протурка законот за продолжување на мандатот на судии и јавни обвинители.
„На нашите реакции тој буквално здиве! ‘Ој ти таму сус’ на Талат надоградено до бесрамни граници!“, напиша Лефков.
