Италијанскиот тенисер Јаник Синер ја освои титулата на Мастерсот во Индијан Велс, победувајќи го Данил Медведев во возбудливо финале со резултат 2:0 (7:6, 7:6).
Финалето беше многу напнато, без ниту еден брејк, а победникот беше решен во два тај-брека.
Во првиот тај-брејк, Русинот имаше предност од 5:4, но Синер прв успеа да стигне до сет топка и ја искористи втората шанса за да поведе.
Во вториот тај-брејк, Медведев водеше со 4:0, благодарение на двојната грешка на Синер. Сепак, наместо да го заврши мечот, самоуверениот Медведев неочекувано се распадна и загуби следните седум поени.
Синер влезе во игра кога му беше најпотребно и ја искористи шансата, освојувајќи ја првата титула оваа година.
Фото: EPA
