Во Мадрид денеска се собраа десетици илјади луѓе на масовни демонстрации организирани од главната конзервативна опозициска партија. Тие протестираа против владата на социјалистичкиот премиер Педро Санчез и ја обвинија за корупција.
Демонстрантите се собраа на Шпанскиот плоштад во центарот на градот, носеа пароли со порака до Санчез: „Поднеси Оставка!“.
Народната партија ја организираше оваа акција по објавувањето на наводно протечени аудио снимки, кои покажуваат дека член на Социјалистичката партија се обидува да исфрли клевета против полициска единица која разгледува случаи на корупција. Според информации, во овие случаи наводно се вклучени сопругата, братот и поранешниот помошник на Педро Санчез.
Членката на Социјалистичката партија ги негираше сите обвинувања.
Лидерот на Народната партија, Алберто Нуњез Феихо, ја обвини владата за „мафијашки практики“ во скандалот, тврдејќи дека Санчез е вовлечен во повеќе корупциски афери.
Според проценките на Народната партија, над 100.000 луѓе присуствувале на денешниот протест под слоганот „Мафија или демократија“.
