Жителите на Шпанија се најдоа на врвот на листата на најздрави народи во светот, покажуваат резултатите на истражувањето што опфатило 16 земји од Западна Европа, Австралија, Канада и САД. Велика Британија се наоѓа на дното.
Овие резултати се објавени во магазинот „Lancet“, а во истражувањето биле анализирани стапката на смртност и болести во периодот од 1990 до 2010 година во споменатите земји. Она што најмногу зачудува е тоа што Велика Британија се наоѓа на самото дно на листата.
„Сите мислиме дека Велика Британија има одличен здравствен систем и дека е една од најсофистицираните медицински истражувачки заедници во светот“, рекол водачот на истражувачкиот тим, Кристофер Мареј.
Британците најмногу ги демнат висок крвен притисок, дебелината, алкохолот и дрогата. Болестите на срцето, мозочните удари и ракот се најчеста причина за смртни случаи во Западна Европа.
