7.
Во политбирото разгледувале кандидатури за министер за рударство. Бил предложен директорот на еден од рудниците – некој си Засјадко. Некој се побунил:
– Тој претерано пие алкохол!
– Поканете го кај мене – наредил Сталин.
Дошол Засјадко, а Сталин почнал разговор и му понудил нешто да се напијат.
„Со задоволство!“ – одговорил гостинот, сипувајќи чаша водка.
– За ваше здравје, другару Сталин! – наздравил и ја испил чашата на екс.
Сталин се напил една мала голтка, а разговорот продолжил. По некое време, Сталин предложил да пијат по уште една. Се случило истото. Кога Сталин понудил алкохол и по трет пат, Засјадко рекол:
– Не благодарам, другар Сталин, Засјадко си ја знае мерката.
Оттогаш и во текот на многу години подоцна, Засјадко бил човекот на чело на министерството за рударство.
