Холивудската легенда Клинт Иствуд се разведе од неговата втора сопруга, Дина по 17 години поминати во брак.
Веста ја потврди 48-годишната поранешна телевизиска презентерка за Us Weekly. Дина открила дека таа и 83-годишниот Иствуд живеат одвоено веќе неколку време.
Анонимен извор за магазинот открил дека Иствуд и Дина, кои ја имаат 16-годишната ќерка Морган, не живеат заедно од 2012 година.
Двојката има проблеми веќе подолго време, а заедно во јавност не е видена од ноември 2011 година. Претходно годинава TMZ објави дека Дина се пријавила на рехабилитација поради депресија.
Минатата година Дина, нејзината ќерка Морган и ќерката на Иствуд од неговата врска со актерката Францес Фишер, Франческа Фишер Иствуд почнаа реално шоу „Mrs. Eastwood & Company“.
Неделава крај на браковите ставија уште две славни двојки – Моника Белучи и Винсент Касел и Мајкл Даглас и Кетрин Зета Џонс.
