Опозициската партија информира дека починала пациентка која не била примена на интензивна нега на Инфективната клиника, а претходно била одбиена и од КАРИЛ.
„Пациентка која од утрово била во лоша состојба прво не била примена на интензивна нега во Инфективната клиника, а не била примена ниту на КАРИЛ, по што починала. Ова е скандал за кој мора да има одговорност! Итно мора да излезат директорите на КАРИЛ и Инфективна клиника и да одоговорат зошто не е примена пациентката. Каде е министерот Таравари цел ден да интервенира откако уште рано информираше СДСМ за проблемот?“,
пишува во соопштението на социјалдемократите.
СДСМ бара истрага и одговорност за смртта на пациентката. Од партијата тврдат дека имаат точен увид во целиот случај и тоа ќе го изнесат во јавноста ако Министерството за здравство и Државниот санитарен и здравствен инспекторат се обидат да ја забошотат ситуацијата.
