Напаѓачот на Ливерпул, Мохамед Салах им остави двосмислена порака на фановите на тимот на социјалните мрежи.
Во победата над Брајтон (2:1) викендот во 10. коло од Премиер лигата, 32-годишниот Египќанец го постигна победничкиот гол. По оваа победа Ливерпул се искачи на првото место во Премиер лигата.
– Врвот на табелата е местото каде што припаѓа овој клуб. И ништо помалку. Сите екипи добиваат натпревари, но на крајот има само еден шампион. Ова е она што го сакаме. Ви благодарам за вашата поддршка минатата вечер. Што и да се случи, никогаш нема да заборавам какво е чувството да се постигне гол на Енфилд“, напиша Салах.
Договорот на египетскиот фудбалер со Ливерпул истекува следното лето. Оваа сезона одигра 15 натпревари во сите натпреварувања, постигна девет голови и седум асистенции.
Салах игра за Ливерпул од 2017 година.
Top of the table is where this club belongs. Nothing less. All teams win matches but there’s only 1 champion in the end. That’s what we want. Thank you for your support last night. No matter what happens, I will never forget what scoring at Anfield feels like. pic.twitter.com/c2rVHQxjK8
— Mohamed Salah (@MoSalah) November 3, 2024
