Плановите на САД се одобрени за повеќедневни напади во Ирак и Сирија против повеќе цели, вклучително и ирански персонал и објекти, пишува Си-Би-Ес Њуз, цитирајќи американски официјални претставници.
Официјални лица велат дека времето на нападите во голема мера ќе биде одредено од временските услови.
-Вашингтон сака чисто небо за да се погрижи да не погоди случајно цивили додека напаѓа цели, пренесува Си-Би-Ес.
Акциите ќе бидат одговор на нападот со беспилотни летала во текот на викендот од страна на група поддржана од Иран, која уби тројца американски војници во Јордан, што е прв смртоносен напад по голем број напади врз американски војници стационирани во Сирија и Ирак.
