Кин уште на полувреме откако Бразил ја наполни Јужна Кореја со четири гола (4-1), жестоко распали по „кариоките“, а му се придружи и Грем Сунес.
„Не можам да верувам што гледам. Стварно не можам да верувам! Јасно ми е дека танцуваа после првиот гол, поради сјајното отворање на мечот, ама сѐ потоа – немаше смисла. Не ми се допаѓа тоа. Луѓето велат тоа е дел од нивната култура, ама за мене тоа е покажување дека немаат почит кон ривалот“, рече Кин.
Сунес, пак, посочи дека ваквите прослави се провокација некој противник да ги удри Бразилците.
