Бизнис активностите на Никола Груевски, за кого унгарските медиуми објавија дека отворил своја фирма со седиште близу Будимпешта, можат да бидат основа за нов предмет против експремиерот, и тоа за перење пари – смета обвинителката Ленче Ристовска, во изјава за „Дојче веле“.
Според неа, ако се дојде до сознанија дека Груевски има вложувања во странство со изнесени пари од Македонија, а со оглед дека за него во земјава се водат неколку постапки за кривични дела поврзани со корупција од кои е остварен профит, тоа може да биде основа за отворање на нов предмет или предистражна постапка, што ќе овозможи, преку меѓународна правна помош, и да се побараат информации за унгарските власти за тоа кога се отворени сметките, колку пари се слеани на нив и во кој период.
Во меѓувреме, пишува „Дојче веле“, во Македонија никој не побарал од финансиската полиција да ги провери сметките на Груевски. Целиот текст ТУКА.
