Често се вели дека растенијата побрзо растат доколку некој им зборува, но сега едно од нив може да ги искаже и своите мисли – преку блог на интернет. Едно растение од јапонското кафуле каде се наоѓа редовно ги споделува своите чувства преку неговиот личен блог.
Растението, со име Midori-san, што значи „зелено“ на јапонски, се наоѓа во едно кафуле во Kamakura во близина на Токио и оттаму може редовно да го апдејтува својот блог со помош на сензор што ги мери електричните сигнали и компјутерски алгоритам што ги преведува истите на Јапонски.
Според истражувачот Satoshi Kuribayashi кој е вклучен во овој проект, најпрво интересот им бил околу тоа што чувствуваат растенијата и како реагираат на околината. Јачината на електронските сигнали на површината на лисјата на растението, кои реагираат на светлина и човечки допир, се мери со сензор, а компјутер користи алгоритам да ги преведе овие податоци, кои ги вклучуваат времетo и температурата. Овие се преведуваат во зборови кои автоматски се постираат на блогот на Midori-san. А таму може да прочитаме какво било времето тој ден и како се чувствува „Зеленко“ во врска со тоа.
Kuribayashi се надева дека во иднина ќе се усоврши оваа технологија, такашто чувствата на растенијата ќе можат да се преведат уште поточно и попрецизно. Линк до блогот.
