Една од пораките на албанскиот премиер Еди Рама во неговото новогодишно обраќање до нацијата, се однесуваше и на границите на Албанија, а во контекст на неодамнешното „бришење“ на границата со Косово. Отворената граница со Косово, порача Рама, е само почеток.
„Верувам дека напролет границата меѓу Албанија и Косово ќе биде по критериумот на Шенгенскиот договор. Во блиска иднина очекуваме модификување по истиот принцип и на границите со Македонија, Црна Гора и Грција. Со таквата пракса ќе продолжиме сé до зачленувањето во ЕУ“, порача Рама.
— Edi Rama (@ediramaal) December 31, 2018
Три дена порано, на 29 декември, косовскиот премиер Рамуш Харадинај на својот Фејсбук профил напиша дека „од тој ден веќе не постои граница меѓу Косово и Албанија“.
