Ракометарите на Фуксе Берлин први го обезбедија местото на завршниот турнир во Лигата на шампионите откако, во реванш натпреварот на сопствен терен, со 35:33 успеаја да ја победат екипата на Веспрем по изведувањето на пенали. Во регуларниот дел, резултатот беше 31:30, а унгарскиот тим триумфираше во првиот меч со 35:34, па вкупниот резултат беше 66:66.
Голманот на Берлин, поранешниот играч на Вардар, Дејан Милосављев, одбрани два седмерца, а решавачкиот гол го постигна Матијас Гидсел.
Во првото полувреме, Берлин имаше предност од 17:11, но гостинот успеа да намали на 17:15, а на крајот од натпреварот резултатот беше 29:29 во 57. минута.
Во моментов, се играат дуелите Алборг – Спортинг (првиот натпревар заврши 31:31) и Барселона – Нант (32:30 за Барселона во првиот меч).
Утре се очекува последното четвртфинале помеѓу Магдебург и ПИК Сегед, каде што Магдебург победи со 35:28.
