Најновиот смартфон на Google е еден од најочекуваните уреди во последните три месеци и на интернет се појавија огромен број на неофицијални протечени слики. Сега за прв пат имаме официјални слики од конечниот изглед на Nexus 5 на неколку дена пред неговото лансирање на пазарот.
Од тоа што може да го видиме се работи за смартфон кој ќе го задржи препознатливиот изглед на Nexus серијата со мали промени во аглите и малку позаоблени линии. Задната страна на Nexus 5 ќе биде изработена од мека гума или барем материјал кој ќе го направи тоа чуство на мек финиш, додека пак предната страна е малку зголемeна поради поголемиот екран, но затоа е намалена граничната линија околу него.
Nexus 5 ќе има Full HD екран со големина до 5 инчи, потоа четири-јадрен Qualcomm Snapdragon 800 процесор со брзина од 2.3 GHz, 3 GB RAM и две понуди на меморијата од 16 и 32 GB. Tоа што е најпривлечно за овој смартфон е што ќе се продава по цена од околу 350 долари со што Google и понатаму ќе ја одржи полтиката на понуда на врвна смартфони од високата класа по многу ниска цена во споредба со конкурентите.
Текстот е објавен во соработка со telefoni.com.mk
