Возачот на Мерцедес, Андреа Кими Антонели, ја освои победата на трката за Големата награда на Кина. Овој млад Италијанец, кој само еден ден по својата историја како најмлад освојувач на пол-позицијата, успеа да ја реализира својата прва победа во кариерата на патеката во Шангај. Со тоа стана втор најмлад победник во Формула 1.
Антонели победата ја извојуваше пред тимскиот колега Џорџ Расел и седумкратниот шампион Луис Хамилтон, кој прв пат се искачи на подиумот како возач на Ферари.
Трката во Шангај беше исполнета со многу возбудувања. Првата фаза беше обележана од отсуството на возачите на Мекларен, Ландо Норис и Оскар Пјатри, кои не стартуваа поради „необјаснети“ причини.
Очекувано, Ферари имаше предност на стартот, но Кими успеа да ја задржи позицијата на водач. За второто место се бореа Хамилтон, Леклер и Расел.
Откако Расел ги надмина возачите на Ферари, на патеката се појави возилото за безбедност, по инцидентот на Ленс Строл.
По замената на гумите, Расел се соочи со проблеми и падна на четвртото место. Во следните кругови, тој продолжи да се бори со конкурентите од Ферари и, иако имаше тешкотии, на крајот излезе како победник.
Ова значеше дека Антонели се оддалечи на водечкото место со предност од седум секунди.
Междувреме, Хамилтон и Леклер продолжија со борба за третото место, а на крајот, британскиот возач излезе како победник во таа битка.
По Антонели, Расел, Хамилтон и Леклер, во поени завршија и Оли Бергаман (Хас), Пјер Гасли (Алпин), Лијам Лосон (Рејсинг Булс), Исак Хаџар (Ред Бул), Карлос Саинц (Вилијамс) и Франко Колапинто (Алпин).
Следната трка во шампионатот е закажана за 29 март, кога ќе се одржи Големата награда на Јапонија.
Фото/ EPA
