Оваа пролет блеснете во неонски бои и во гардероба во стилот на осумдесеттите. Иако последните неколку сезони на модните писти суеверено владееја пастелните тонови, оваа пролет дојдоа на ред неонските бои. Овој тренд го предлагаат и бројни дизајнери како Gucci, Diane von Furstenberg, Oscar de la Rentа и Donnа Karan. Боите се многу впечатливи и затоа најдобро е да ги комбинирате со посмирени, односно основни бои.
Популарни се жолтите нијанси, портокаловата, зелената, розовата и сината. Жолтата одлично стои со сини и сиви тонови, токму како и розовата и сината, зелената стои со беж и бело, додека портокаловата ги сака боите од целиот неонски спектар. Најмногу ќе дојде до израз со црната или белата боја.
Кога се неонските бои во прашање треба да се водите од правилото што поедноставно тоа подобро. Така облеката би требало да биде со чисти линии и без многу детали затоа што може да делува многу нападно.
