Водителката Ана Михајловски Грубин била приведена вчера околу 18 часот по инцидент со екипата на Паркинг сервисот во центарот на Белград, пишува српски Блиц.
Ана непрописно се паркирала, а нервозата настапила откако „пајак“ се обидел да го однесе нејзиниот автомобил. Како што дознава весникот, Грубин била приведена откако се расправала и се обидела да спречи екипата на сервисот да го однесе автомобилот поради непрописно паркирање.
Како што раскажуваат очвидци, работниците одбиле да ја послушаат гневната водителка, а Михајловски бесна влегла во автомобилот закачен на „пајакот“, го отклучила и започнала да вози рикверц. Во таа прилика го оштетила возилото, па бесно ја навредувала сообраќајната полиција.
– Откачете го ми го автомобилот од оваа „крнтија“, викала водителката.
Таа ги навредувала и полицајците кои се нашле на лице место.
– Ќе ве приведеме, смирете се, и велеле тие, а таа не престанувала:
-Баш да видам дали смеете.
– Водете ме во болница, одржувам бременост.
Полицијата ја однела водителката да даде изјава, меѓутоа Ана рекла дека и е лошо и им наредила да ја одведат во болница.
– Кога сте вака паметни да ме приведете сега ќе ме носите на Ургентен центар, не ми е добро, бремена сум – рекла Михајловски.
Потоа полицајците ја одвеле на лекар и чекале пред ординацијата. Како што пишува весникот против Грубин ќе биде поднесена пријава за напад на полицаец.
И од паркинг сервисот го потврдиле инцидентот.
– Никој не е над законот и истите правила мораат да важат за сите, изјавиле од таму.
Неделава беше објавено дека Ана Михајловски Грубин нема да биде водителка на овогодинешниот X factor, односно дека е отпуштена од задачата. Иако продукцијата ги демантираше овие тврдења, извори блиски на водителката, изјавија дека таа паднала во депресија, после ваквата одлука.
