Откако пред извесно време ви покажавме како се прави превкусен сладолед од само една состојка (банана), денес ви покажуваме сличен рецепт, но малку збогатен. Имено, и денешната закуска е наменета за љубителите на „брзи“ десерти, а овој подолу ќе успеете да го приготвите за само десетина минути.
Состојки:
– неколку банани
– чоколадо за готвење
– кокос, мрвици, мелени ореви, бадеми или лешници (доволна е и само една од овие состојки)
Подготовка:
Најпрвин добро го растопувате чоколадото, на тивок оган за да не добие загорен вкус. Бананите ги лупите и ги сечете на кругови. Со вилушка, парче по парче потопувате во чоколадото. На крајот, извалкајте ги во кокос, ореви или некоја друга состојка која ќе го создаде финалниот вкус на оваа слатка закуска.
Кога ќе ја повторите постапката со сите парчиња банана, ставете го садот со колачиња во замрзнувач додека не се стврднат (оставете да отстојат околу 6 часа). Потоа, префрлете ги во фрижидерот.
Уживајте! 
