Samsung официјално го претстави својот најнов камера-телефон кој работи на Android и е познат под името Galaxy S4 Zoom.
Всушност, тоа е хибрид помеѓу Galaxy S4 mini и Galaxy Camera, како комбинација на одличната функционалност на смартфонот заедно со одличен зум и соодветен блиц.
Samsung Galaxy S4 Zoom има Super AMOLED дисплеј од 4.3 инчи со резолуција од 960х540 пиксели и Corning Gorilla Glass 3 за заштита. Овој смартфон има вграден 2-јадрен процесор со брзина од 1.5 GHz и 1.5GB RAM меморија. Хибридот има димензии 125.5х63.5х15.4 mm, и тежина од 208g.
Сепак главната атракција кај Samsung Galaxy S4 Zoom ќе биде камерата со сензор од 16МР, 10х зум и xenon блиц. Тоа значи дека телефонот е способен за 10х оптички зум, што е помалку од 21х зум кај Galaxy камерата, но има добра ширина на леќата од 24mm.
Galaxy S4 Zoom работи на Android 4.2.2, а има батерија од 2330mAh.
Текстот е објавен во соработка со telefoni.com.mk
